Uşağa nə qədər müddət ana südü vermək lazımdır?

Ana südü tibbi cəhətdən körpə üçün ən faydalı qida sayılır. Ona görə də dinimiz körpəyə ana südü verməyi çox təkid edir. Quranda buyurulur: “Biz insana ata-anasına (yaxşılıq etməyi) tövsiyə etdik. Anası onu (bətnində) çox zəif bir halda daşımışdı. (Uşağın süddən) kəsilməsi isə iki il ərzində olur” (Loğman, 14). Bəqərə surəsinin 233-cü ayəsində də ananın körpəni iki il əmizdirməsi təkid edilir. Həmçinin, ayədə buyurulur ki, uşağı iki ildən tez süddən kəsmək yalnız o zaman icazəlidir ki, ata ilə ana məsləhətləşib bu qərara gəlsinlər. Yəni qadının özbaşına bu qərarı verməsi Quranda bəyənilmir. İki yaşına yaxın uşağı tədricən süddən kəsmək lazımdır.