Rəsulullah (s): "Mən elmin şəhəriyəm, Əli isə onun qapısıdır" (Mütəvatir)
Sual göndər

Qadın evdə olarkən başı və ya qolu açıq namaz qıla bilərmi?

Qadın evdə olarkən başı və ya qolu açıq namaz qıla bilərmi?
Yaddaşda saxla
Mətndə qrammatik səhv var?
Qadın evdə olarkən başı və ya qolu açıq namaz qıla bilərmi?


Qadın evdə olarkən başı və ya qolu açıq namaz qıla bilərmi?

Sual: Qadın evdə tək olarkən başıaçıq şəkildə və ya qoluaçıq paltarda namaz qıla bilərmi?

Cavab: Şəriətimizin bəzi hökmləri insanlarla sosial münasibətlər zəminində tənzimlənir və təklikdə bu hökmləri qorumaq ya ümumilikdə, ya da həmin həddə vacib deyil. Məsələn, qadın naməhrəmlərdən bütün bədənini örtməlidir, yalnız sifətini və biləkdən aşağı əllərini açıq saxlaya bilər. Evdə tək olarkən və ya məhrəmlərin yanında bu qədər örtünməyə ehtiyac yoxdur. Amma elə hökmlər var ki, başqa adamların görüb-görməməsindən asılı olmayaraq hər bir şəraitdə öz qüvvəsini saxlayır. Namazda qadının örtünməsi də bu qəbildəndir. Qadın, onu kiminsə görüb-görməməsindən asılı olmayaraq, sifəti, biləkdən aşağı əlləri və topuqdan aşağı ayaqları istisna olmaqla bütün bədənini örtməlidir. Eləcə də, qadının namaz paltarı şəffaf və dar olmamalıdır. Bu şərtlər qəsdən qorunmasa, namaz batil olar.

Axırıncı sualların cavabları

Sosial şəbəkədən giriş:
vk fb mail google yandex