Rəsulullah (s): "Mən elmin şəhəriyəm, Əli isə onun qapısıdır" (Mütəvatir)
Namaz Vaxtları

Niyə seyidlərin adlarının əvvəlinə “Mir” artırılır?

Niyə seyidlərin adlarının əvvəlinə “Mir” artırılır?
0
Mətndə qrammatik səhv var?
Niyə seyidlərin adlarının əvvəlinə “Mir” artırılır?


Hazırda dünyada onmilyonlarla seyid yaşayır. Bunlardan bəzisi İmam Həsənin (a) nəslindəndir və “şərif” adlandırılır, digər qismi isə İmam Hüseynin (a) və onun (ə) məsum övladlarının nəslindəndir və “seyid” adlandırılırlar. Yəni onlara adlarını çəkməzdən əvvəl nəsəblərinə ehtiram əlaməti kimi “Şərif” və ya “Seyid” - deyə müraciət olunur. Lakin bəzi ölkələrdə, məsələn, Hindistan, Pakistan, Türkiyə, o cümlədən bizim Azərbaycanda yaşayan bir çox seyidlərin adlarına “Mir” prefiksi əlavə olunur. Məsələn, Mirəli, Mircavad və s.
Bunun kökü haradan gəlir?


Məlum olur ki, “Mir” ərəb dilindəki “Əmir” sözündən götürülüb və mənası “başçı”, “rəhbər”, “əmr sahibi” və s. deməkdir. “Əmir” titulu Peyğəmbər (s) nəslinin nümayəndələrinin adlarına 11-13-cü əsrlərdən etibarən əlavə edilməyə başlayıb. Bu yolla bu mübarək nəsildən olmayanlar seyidlərə öz ehtiramlarını bildirmək istəyirdilər.


Sonradan söz ixtisarlanaraq, “Mir” halını aldı və birbaşa adın əvvəlinə artırılmağa başladı. Məsələn, Seyyid Mirəbulfəth Gürgani (əllamə) və ya Seyyid Mirəli ibn Şəhab Həmədani (zamanın məşhur arifi) və s.

Səfəvi dönəmində isə xüsusilə hörmətli seyidlərə hətta “Mir Miran”, yəni “əmirlərin əmiri” deyə müraciət olunurdu.


Peyğəmbərin (s) mübarək nəslinə sevgi və ehtiram dünyanın dord bir yerində bu gün də yaşamaqdadır. Allah cəmi seyidlərə bu nəcib irsi layiqincə daşımağı nəsib eləsin, inşəallah!




Peyğəmbərin (s) mübarək nəslinə sevgi və ehtiram dünyanın dord bir yerində bu gün də yaşamaqdadır. Allah cəmi seyidlərə bu nəcib irsi layiqincə daşımağı nəsib eləsin, inşəallah!

(Mənbə: “Titles of Sayyeds” // Al- Sayyid Sadiq Al- Hossaini Al- Eshkevari)



İmam Sadiq (ə) adına İslam Maarifi Akademiyası

«Dəyərlər» Jurnalistika Məktəbinin məzunu.
İnformasiya
« Qonaq » qrupunda olanlar istifadəçilər bu Xəbəra şərh əlavə edə bilməz.