İmam Əli Məktəbi İmam Əli Məktəbi İmam Əli Məktəbi



Share ətir və hədiyyə mağazası imameli.az
Müqəddəs torpaqlara ziyarət. Whatsapp: 055 811 23 91imameli.az

Dua - bəndə ilə Allah arasında rabitə halqasıdır

İnsan daima öz Pərvərdigarı ilə rabitədədir. Allah ilə rabitə yaratmaq elə də çətin bir iş deyildir. Allah Peyğəmbərinə (s) belə buyurur: “Şübhəsiz, insanı Biz yaratdıq və nəfsinin ona nə ilə vəsvəsə etdiyini bilirik. Biz ona şah damarından da yaxınıq”. (“Qaf” 16).

Duanın əhəmiyyəti.
Dua - bəndə ilə Allah arasında rabitə halqasıdır. İslam təlimlərində ona xüsusi diqqət edilmişdir. Quran həmişə bəndələrinə dua etməyi tövsiyə edir və duaları yerinə yetirəcəyini vəd edir. O, bəndələrin nidasını eşidər və cavab verər. Niyə Onunla münacat etməyək və Ona dua etməyək?! Allah buyurur: “Rəbbiniz buyurdu: «Məni çağırın ki, Mən də duanızı qəbul edim. (Dua etməyi özünə sığışdırmamaq ibadəti özünə sığışdırmamaq deməkdir və) əlbəttə, Mənə ibadət etməyi özünə sığışdırmayanlar tezliklə xar və xəcalətli şəkildə Cəhənnəmə daxil olacaqlar». (“Ğafir” 60).

Allahın elə nemətləri və bərəkəti vardır ki, bəndələrinin halına şamil olur. Ancaq şərtləri vardır. Şərtlərdən biri budur ki, Onun qapısına gedib, əlimizi dua üçün açaq. Ruhumuzu pak edək və Ona yaxınlaşaq. Dua sayəsində İlahi rəhmət hasil olar və Onun lütf yağışı yağmağa başlayar. (Tebyan)

Dua etməyin faydaları.


Dua ona görə həmişə diqqət mərkəzində olmuşdur ki, onun çox sayda faydaları vardır. Xüsusilə də Məsumların (ə) duası başdan-başa tərbiyəvi dərsdir. Duanın bəzi faydalarına toxunaq:
1. Mərifət əldə etmək. İmam Əli (ə) 46-cı xütbəsində buyurur: “Allahım! Sən səfərdə bizimlə bir yerdəsən. Vətəndə qalanlarımız üçün isə başçı və gözətçisən. Bu ikisinin cəminə Səndən başqa heç kim malik ola bilməz”.
2. Əxlaqi tərbiyə və mənəvi təkamül. Duanın faydalarından biri də mənəvi təkamül və əxlaqi tərbiyədir. Ərəfə duasında oxuyuruq: “Allahım! Mənim ehtiyacsızlığımı daxilimdə qərar ver”. Xarici ehtiyacsızlıq odur ki, sərvətə və rifaha malik olasan. Ancaq biz daxili ehtiyacsızlıq istəyirik. Bu zaman insanın canı və ruhu doymuş olar. Çünki əks halda əgər bütün dünyanı ona versələr, yenə də doymaz.
3. Təqva. Dua edən bəndə Allahın sonsuz himayəsindən və gücündən istifadə edərək, Onunla rabitəsini möhkəmləndirir. Onun Müqəddəs Zatına yaxınlaşır. İnsan “Kumeyl” duasında bu mənalı sözlərə çatanda deyir: “Allahım, günahlarımı bağışla”. Başa düşür ki, dualarının çoxunun yerinə yetməsinə günahları mane olur. Bu zaman Allahın bəyənmədiyi işlərdən uzaq olmağa çalışır. Qəflət pərdəsini kənara çəkər. Günahın və təqvasızlığın ən mühüm amili qəflətdir. Duanın faydası odur ki, insan qafil olduğu məsələlərə dua vasitəsilə diqqət edir.
4. Günahların bağışlanması. Duaların bəzisi insanlara tövbə yolunu öyrədir. “Kumeyl” duası da bu cür dualardandır. Bu dua bizə tövbə etməyi, nəfsi islah etməyi öyrədir. Həmçinin Həzrət Fatimənin (s.ə) təsbihini namazdan sonra demək bu cür dualardandır. Belə ki, bu haqda gələn hədisdə oxuyuruq: “Hər kim bu duaları və təsbihatı deyərsə, sanki anasından təzə dünyaya gəlmişdir və heç bir günahı yoxdur”. Əlbəttə diqqət etmək lazımdır ki, bu hədisdə haqqun-nas nəzərdə tutulmamışdır.
5. Bəlalar dəf edilər. İmam Sadiqdən (ə) gələn hədisdə oxuyuruq: “Haqq sahibi dua edən zaman Allah yerinə yetirər. Bəlanı ondan uzaq edər”.
6. Daxili rahatlıq tapar. Həyatdakı səylərin səmərə verməməsi bəzən insanı məyus edir. Yerdə qalan enerjisi də tükənər. Yeni düşüncələri silib aparar. Ancaq dua insana ümid verər. Həyatında olan naümidlik buludunu dağıdar. Bu da insana daxili rahatlıq hissi bəxş edər.

Allah Təala bizləri dua əhlindən qərar versin, inşəallah.

Oxşar xəbərlər
Salavatın faydaları
Allahın Rəsulu (s) buyurdu: "Namazdan yalnız Allaha qəlbən diqqət yetirdiyin hissə qəbul olar" ******** Qəlbini əhatə edib dualarını həbs edən günahlarınızın bağışlanması üçün ən azı 70 dəfə "Əstəğfirullahə və ətubu ileyh" deyin. ********

Duanın faydaları
1. Dua edən bəndə Allahla əlaqədə olduğuna görə, Qur'an buyurduğu kimi, qəlbə bir sakitlik gətirər və insanı həyəcandan qurtarar. 2. Dua edib Allahı yad etmək, ürəkdə bir nur yaratmaqda insana yeni bir həyat verər. 3. Dua edən şəxs Allahın

Dua etməkdə israrlı olaq
İmam Sadiq (ə) buyurur: "İnsan duadan başqa heç bir şeylə Allaha yaxınlaşmaz. Hər bir kiçik məsələyə görə onu cüzi hesab edib, dua etməyi boş buraxmayın. Çünki kiçik hacətlər də o Kəsin əlindədir ki, böyük hacətlər Onun əlindədir”. Həzrət

Duanın qəbul olunması şərtləri
1. Duanın şərtlərindən birincisi odur ki, Allaha həmdü səna edəsən, sonra Peyğəmbər və onun Əhli-beytinə salavat deyəsən. 2. Bütün günahlarını nəzərə alıb Allahdan bağışlanmağını istəyəsən. 3. Ümidini bütün bəndələrdən kəsib, yalnız tək və qadir

Dua haqqında izahat
Duanın lüğəti mə'nası - çağırmaq deməkdir. Amma müsəlmanların istilahatından Allaha razü niyaz etməkdir. Dua Qur'an kimi Allahla danışmaqdır, fəqət fərq ondadır ki, Qur'an göydən yerə nazil olub, dua isə yerdən göyə ucalır. Göydən yerə enən və



Hörmətli « Qonaq », sizin qeydiyyatınız olmadığı üçün siz rəy yaza bilməzsiniz.Xahiş edirik qeydiyyatdan keçin.



     
    Cəmi istifadəçilər: 2
    Qonaqlar: 1

    Online İstifadəçilər: 
    ---

     Saytda olmuş ən son 20 nəfər: 
    ---